Si Emon Kebelet Kawin

Emon    : Sampurasun Pak RT!!

Pak RT : Rampeeess.... eh elu Mon, masuk Mon, pake aje sendalnye. Ada urusan apa ni? tumen-tumbenan kemarih

Emon    : Ini Pak RT, aye ada rencana mau kawin sama si Jenab, mau minta surat pengantar dari Pak RT *tersipu-sipu*

Pak RT : Ah elu tong, jadi juga kawin! kirain cuman bakal dibuat kencing doang tuh hehehe.... *kedip-kedip genit*

Emon    : Iye Pak RT, udah ngebet juga ni ternyata aye. Tadinya kalo cuman bakal dipake kencing, mau aye ganti pake paralon aja biar awet gitu hihihi...

Pak RT : Iye dah apa kata lu aje. Eh Mon, lu tu mau kawin di mane sih? Maksud gue, lu mau ke KUA apa Catatan Sipil aje?

Emon    : Ah gimana enaknya aje deh Pak RT...

Pak RT : Bukan begitu, maksud gue, lu tu mau ijab kabul di masjid, ape sesembahan di klenteng, ape kawin di greja kayak bule-bule ntu?

Emon    : Waduh! aye kagak tau Pak RT, aye pan kagak punya agame. orang aye kagak pcaya sama yang namanye tuhan Pak RT... pengennye sih cuman teken surat doang gitu, pan udah resmi terdaptar tuh.

Pak RT : Kagak bisa begitu Mon! elu musti kawin secare agame dulu baru si orang KUA atawa Catatan Sipil mau ngawinin elu bedua. Pan negare Indonesa ini negara Pancasila, sila pertamanye aje udah Ketuhanan yang Maha Esa, artinya semue warga musti punya agame. Bahlul lu!

Emon    : Lah Pak RT, agame pan kepercayaan yak? nah aye percayanye kagak ada Tuhan, jadi aye kagak punya agama, aye ateis...jadi pan ateis kepercayaan juga yak? jadi ateis ntu agama juga yak?

Pak RT : Ah, gua kagak ngerti elu orang-orang sekolaan ngomong sana-sini ngebodo-bodoin gue aje. Pokonya kalo elu kagak punya agama, kagak bisa kawin! Titik!

Emon    : Jadi ibaratnya aye musti murtad masuk agama cuman biar bisa kawin ye Pak RT?

Pak RT : Pokonya begitu dah!

Emon    : Ya udah deh Pak RT, demi Jenab aye mau punya agame aje. tapi agame ape ye?

Pak RT : Agame gue aje Mon, asik! kalo masuk surga lu bisa sepuasnye ngawinin puluhan bidadari cantik siang malem kagak putus-putus! *kedip-kedip genit*

Emon    : *jambak-jambak rambut, koprol keliling kampung, jedukin-jedukin kepala ke tembok*


-eric siswanto-